2267.“ยุคพระศรีอาริยเมตไตรย”

เรื่อง “ยุคพระศรีอาริยเมตไตรย”

(วิสัชนาธรรมโดย หลวงปู่สมภาร ปัญญาวโร)
(วัดป่าวิเวกพัฒนาราม อ.พรเจริญ จ.บึงกาฬ)

โยม : ปู่…อีกกี่กัปกี่กัลป์ พระศรีอาริย์ ถึงจะมา ?

หลวงปู่ : โฮ้ มันหลายอยู่เด้ โรคภัยจะไหม้โลกหมด พระศรีอาริย์ถึงจะมา คนขี้ลักขี้ขโมยมาใกล้บ่ได้เด้ พระศรีอาริย์นี้เป็นคนมีศีลมีทานเด้ เป็นคนมีศีลมีธรรม บ่มีลักเล็กขโมยน้อย อยู่สบ๊ายสบายเด้ มีอายุเป็นหมื่นๆปี พุ่นเด้

โยม : โฮ้ !!

หลวงปู่ : บ่มีมาทุกข์มายากอย่างนี้เด้ จะมีเพียบพร้อมเด้ หาอยู่หากินแบบนี้ โอ้ย! เกิดแล้วเดียวก็ตายอีก (ทุกข์กับการหาอยู่หากิน เกิดตายๆวนเวียนไม่จบไม่สิ้น)

โยม : ยุคนั้น คนคือสิบ่ได้ใส่กุญแจบ้านเน๊าะ บ่มีตำรวจ ?

หลวงปู่ : บ่มีแหล่ว ตำรวจกะบ่มี

โยม : ข้าน้อยคึดว่า…โอ้ย! ไปไสมาไสกะจั่งแม่นมันลำบาก ต้องล็อคประตูบ้าน ยามสินอนกะต้องล็อค มีแต่คนสิจ่องเอาของกัน หุ้ย!..มันเป็นอิหยังกระด้อกระเดี๊ยะ ข้าน้อยคึด..โอ้ย! อยากไปเกิดที่บ่มีขโมยขโจรเด้ ที่ๆมีแต่คนมีศีลมีธรรมเบิ่ดสั่นดอกหวา

หลวงปู่ : ธรรมดาล่ะของสุ่มมื้อนี้

โยม : สุมื้อนี้จิตใจคนโห๊ดโหดเด้ปู่ ฆ่ากันง๊ายง่าย ขับรถปาดหน้ากันก็บ่ได่สุมื้อนี้ เอามีดสิมาฟันกันเอาปืนสิมายิงกัน คนสุมื้อนี้เป็นหยังถึงเป็นจั่งสั่น มันเข้ายุคได๋แล้วปู่ มันเข้ายุคกลางๆ ล่ะบ่ปู่ ?

หลวงปู่ : คนมันบ่มีเมตตาธรรม ถ้ามีเมตตาธรรม โอ้ย! อยู่สบ๊ายสบาย คนต้องอยู่ด้วยความฉลาด มันต้องมีปัญญาเด้ ของสุ่มนี้ ถ้าบ่มีปัญญามันบ่ได้

(บันทึกธรรมโดย : นรินทร์ ศรีสุทธิ์)

แอพเกจิ แอพรวมเรื่องราวประสบการณ์จริง เกี่ยวกับ พุทธคุณ ไสยศาสตร์ วิชาอาคม